台灣歇後語

無齒的食甘蔗---加減吮

語譯：
無嘴齒的人食甘蔗，因為無嘴齒通晡，食甘蔗只有用「吮」，所以是「加減吮」，「無齒的食甘蔗---加減吮」。

無齒食豆腐---突仔好

語譯：
無嘴齒的人，因為無嘴齒通晡，食物卡困難，若食著豆腐，豆腐卡軟無齒的人食了真「突仔好」，真容易哺。

無掛牛嘴籠---亂食

「作穡人」習慣若欲去田裡，代先將牛嘴籠掛佇牛嘴，防止牛一面犁田一面亂食農作物，「亂食」是烏白食。

無度量---呣知輕重

語譯：
「無度量」是無尺、無秤、無量，未通知影重量，「呣知輕重」，所以「無度量---呣知輕重」。

資料來源：溫惠雄(2002)台灣智慧後語。宏欣文華事業。