台灣歇後語

無刀削旺梨---咬目

語譯：
「咬目」表面如龜殼一目一目，要食旺梨的時若無刀，只有用嘴去咬，一目一目去咬，叫「咬目」意思是是藥物滴入目睭，未爽快目睭開未開，看未順眼。

抹胭脂入棺柴---死愛面子

語譯：
欲送入棺柴以前抹胭脂，死麼「愛面子」，非常愛面子，甚至到死麼愛面子，「死愛面子」是尚注重面子。

墓仔埔放炮---吵死人

語譯：
墓仔埔是死人安息的所在，若放炮當然「吵死人」，吵死人是講話大小聲，互入不得安寧，真吵人的意思。

墓仔埔童乩---講鬼話

語譯：
童乩是鬼神代言人，墓仔埔只有鬼，所以在墓仔埔的「童乩」講的全是「講鬼話」，是鬼在講話，烏白講的意思。

資料來源：溫惠雄(2002)台灣智慧後語。宏欣文華事業。

台灣歇後語

無齒的食甘蔗---加減吮

語譯：
無嘴齒的人食甘蔗，因為無嘴齒通晡，食甘蔗只有用「吮」，所以是「加減吮」，「無齒的食甘蔗---加減吮」。

無齒食豆腐---突仔好

語譯：
無嘴齒的人，因為無嘴齒通晡，食物卡困難，若食著豆腐，豆腐卡軟無齒的人食了真「突仔好」，真容易哺。

無掛牛嘴籠---亂食

「作穡人」習慣若欲去田裡，代先將牛嘴籠掛佇牛嘴，防止牛一面犁田一面亂食農作物，「亂食」是烏白食。

無度量---呣知輕重

語譯：
「無度量」是無尺、無秤、無量，未通知影重量，「呣知輕重」，所以「無度量---呣知輕重」。

資料來源：溫惠雄(2002)台灣智慧後語。宏欣文華事業。

台灣歇後語

美國西裝---大輸(大軀)



語譯：

美國人個子比較大，所穿的西裝尺寸大，當然「大軀」，其音佮「大輸」的音仝款。如大部分的人去「拉斯維加斯」(賭城)，一定攏穿美國西裝，「大輸」是輸真濟、輸真大的意思。



眠床腳放風吹---未沖



語譯：

佇「眠床腳」，欲放「風吹」，無論如何一定無法通放互風吹起來，因為佇「眠床腳」無風也無空間，「未沖」是因為無風，沖未起來，「未沖」債「神氣不起來」，未得意。「眠床腳放風吹--未沖」。



無葬身之地---死路旁蓋糞箕



語譯：

「無葬身之地--死路旁蓋糞箕」是罵人真惡毒的話，死無葬身之地，最簡單是死佇路邊用糞箕來蓋，「無葬身之地--死路旁蓋糞箕」。

台灣歇後語

米粉桶---百百孔


語譯：

米粉桶是製造米粉的器具，圓形鐵桶在底部有圓帽形無數小孔的鐵片，粉著放入此桶流出，通過鐵片而擠壓出線狀的米粉，米粉桶有「百百孔」。

「孔」台語意思有「問題」「真歹孔」指問題真多，「百百孔」或費用真濟，「百百孔」應付未了。


米篩目包餡---未做


語譯：

「米篩目」是一條一條真細技的粉條，無可能包餡，所以「米篩目包餡--未做」，意思是無法度通做。


美容院---成人之美


語譯：

美容院是專門互人美容，互人美麗，是「成人之美」完成互人卡美，所以「美容院---成人之美」